క్రైమ్ మిర్రర్, ఆన్ లైన్ డెస్క్ : హైదరాబాద్ శివారు పెద్ద అంబర్‌పేట సమీపంలో కాల్పులు కలకలంరేపాయి. ఔటర్ రింగ్ రోడ్డు దగ్గర దోపిడీలకు పాల్పడుతున్న పార్థి గ్యాంగ్‌ను ఛేజ్ చేసిన పోలీసులు.. వారిని పట్టుకునే క్రమంలో గాల్లోకి కాల్పులు జరిపారు. ఈ గ్యాంగ్‌లోని వాళ్లను పోలీసులు అదుపులోకి తీసుకున్నారు. పార్ఠి గ్యాంగ్ కొంతకాలంగా జాతీయ రహదారిపై పార్కింగ్ వాహనాలను టార్గెట్ చేస్తోంది. వరుస దొంగతనాలతో నల్గొండ జిల్లా పోలీసులు నిఘా పెంచారు.. ఎస్పీ స్పెషల్ టీమ్‌లను రంగంలోకి దించారు. ఈ క్రమంలో శుక్రవారం తెల్లవారుజామున హైవేపై ఈ దొంగల ముఠా పెట్రోలింగ్‌ పోలీసుల కంటపడింది. వెంటనే అప్రమత్తమైన పోలీసులు.. వారిని వెంబడించారు. ఇలా ఆ గ్యాంగ్‌ను వెంటాడుతూ వస్తూ.. రాచకొండ కమిషనరేట్‌ పరిధిలోకి వచ్చాక స్థానిక పోలీసుల్ని అప్రమత్తం చేశారు.
Also Read : బీఆర్ఎస్ పార్టీకి వరస షాక్‌లు.. కాంగ్రెస్‌లో చేరిన ఆరుగురు ఎమ్మెల్సీలు!!
పార్థి గ్యాంగ్లో దొంగలను పట్టుకునేందుకు రాచకొండ, నల్గొండ పోలీసులు కలిసి వారిని వెంబడించారు. ఆ దొంగల ముఠాను వెంటాడుతూ పెద్దఅంబర్‌పేట సమీపంలో.. ఔటర్ రింగ్ రోడ్డు దగ్గరకు రాగానే.. దొంగలు కత్తులతో పోలీసులపై ఎదురుదాడి చేసేందుకు ప్రయత్నించారు.. ఈ క్రమంలో పోలీసులు గాల్లోకి రెండు రౌండ్‌లు కాల్పులు జరిపారు. ఆ తర్వాత ఈ దొంగల ముఠాలోని వారిని అదుపులోకి తీసుకున్నారు. వెంటనే వారిని పోలీస్ స్టేషన్‌కు తరలిస్తున్నారు.. ఇంకా ఈ గ్యాంగ్లో ఉన్నవారిని పట్టుకునే పనిలో ఉన్నారు. ఇటీవల హైదరాబాద్ చిలకలగూడలో మొబైల్ ఫోన్ స్నాచర్లపై, సైదాబాద్‌లో చైన్‌ స్నాచర్లను పట్టుకునే క్రమంలో పోలీసులు కాల్పులు జరిపిన సంగతి తెలిసిందే.
ఇవి కూడా చదవండి :
- ప్రధాన మంత్రి మోదీతో రేవంత్ రెడ్డి భేటీ.. మోదీ, అమిత్ షాలకి పలు వినతి పత్రాల అందచేత!!
- ఫ్రీ బస్సు పథకం వల్ల టీజీఎస్ఆర్టీసీకి 2500 కోట్ల నష్టం.. ఒక్క పైసా కూడా ఇవ్వని సర్కార్!!
- కల్యాణ లక్ష్మి చెక్కుల పంపిణీలో అధికారుల నిర్లక్ష్యం.. గడువు ముగిసిందని తిప్పి పంపిన బ్యాంకు అధికారులు!!!
- బీఆర్ఎస్ పార్టీకి మరో షాక్ తప్పదా??.. పార్టీ మారేందుకు సిద్దమైన మరో ఎమ్మెల్యే!!
- బీఆర్ఎస్ పార్టీ కార్యాలయం ఇటుక పెళ్ల కదిలించినా హైదరాబాద్‌లోని గాంధీభవన్ కూల్చేస్తాం.. మాజీ ఎమ్మెల్యే పెద్ది సుదర్శన్ రెడ్డి సంచలన వ్యాఖ్యలు!!
